XEBERVER.AZ

İngiltərə Müdafiə Naziri John Healey bildirib ki, ABŞ Prezidenti Donald Trump ilə Rusiya Prezidenti Vladimir Putin arasında Alyaskada keçiriləcək görüş Ukraynada barışa doğru atılacaq “ilk addım” ola bilər. Yenifikir.mediain Anadolu Agentliyinə istinadən xəbərinə görə, Healey Sky News-ə açıqlamasında müharibələrin yalnız diplomatiya yolu ilə sona çatacağını vurğulayıb və görüşdən ümidli olduğunu deyib. O əlavə edib ki, bu görüş ehtimal olunan bir sıra müzakirələrin yalnız ilkin mərhələsini təşkil edir.

Nazir fikrini belə davam etdirib: “Əsas odur ki, bu görüş hər hansı bir müzakirədə ilk addım olsun. Ukrayna ilə bağlı qərarlar yalnız Ukrayna tərəfi ilə birlikdə qəbul edilməlidir. Tam atəşkəs diplomatiyaya imkan yaradacaq və uzunmüddətli barış üçün şans verəcək.”

Görüş yerli vaxtla saat 11:00-da başlayacaq və əsasən Ukrayna böhranı, ikitərəfli münasibətlər, həmçinin regional və beynəlxalq məsələlər müzakirə olunacaq. Liderlərin görüşdən sonra birgə mətbuat konfransı keçirməsi də planlaşdırılır.

Yenifikir.media