XEBERVER.AZ

Təranə Muradova Azərbaycan mədəniyyətinin əsl incisi, zərifliyin, istedadın və işinə bağlılığın simvoludur. Onun milli rəqsin inkişafındakı rolu misilsizdir, sənətkarlığı və ilhamverici fəaliyyəti bütöv nəsillərə nümunə olur.

O, təkcə görkəmli baletmeyster deyil, həm də milli ənənələrin qoruyucusu, Azərbaycan incəsənətinin ruhunu dərindən duyan bir sənətkardır. Onun incə hərəkətləri, xoreoqrafiyaya olan dərindən anlayışı və mükəmməlliyə can atması onun adını peşəkarlığın sinoniminə çevirir.

Təranə xanım təkcə müəllim və bələdçi deyil, həm də tələbələri üçün işıq və müdriklik mənbəyidir. Milli rəqsimizin ölkə xaricində tanıdılması sahəsindəki səyləri heyranedicidir – o, Azərbaycan bayrağını xarici səhnələrdə qürurla dalğalandırır, mədəniyyətimizi dünyaya sevdirir. Onun rəhbərliyi və təşəbbüsü ilə baş tutan beynəlxalq layihələr milli sənətimizin tanıdılmasına və yeni üfüqlərə açılmasına xidmət edir.

Bu dəyərli yubiley günündə Təranə Muradovanı ürəkdən təbrik edirik! Uğurlarınız bol, yolunuz daim işıqlı olsun! Sizin kimi sənət fədailəri sayəsində Azərbaycan mədəniyyəti yüksəlir, əbədiyaşar olur.

Adınız Azərbaycan xoreoqrafiyasının qızıl səhifələrinə yazılıb və şübhəsiz ki, sizin sənətiniz hələ çox nəsillərin qəlbində yaşayacaq!

  

Raifə Səfərova

Sənətşünaslıq üzrə fəlsəfə doktoru

Yenifikir.media

📧 info@yenifikir.media
📞 +994 55 977 79 81 (WhatsApp)