XEBERVER.AZ

Kvas əsasən çörək mayası ilə fermentasiya edilən, az miqdarda alkoqol (adətən 0.5%-dən az) ehtiva edən, təbii qazlı, sərinləşdirici içkidir. Əsasən rus, belarus və ukrayna mətbəxində geniş yayılmış olsa da son illərdə Azərbaycanda da maraqla qarşılanır.

Kvas içmək olarmı və onun orqanizmə faydası varmı ?

İlk növbədə kvasın tərkibi və insan sağlamlığına təsiri baxımından önəm daşıyır. Gəlin, bu suala tərəfsiz yanaşaq

Kvasın təbii probiotik mənbəyi 

Mayalanma nəticəsində yaranan faydalı bakteriyalar bağırsaq florasını dəstəkləyə bilər.Həzmə kömək edir  Yeməkdən sonra qəbul edildikdə həzm prosesini yüngülləşdirir. Susuzluğu yatırır. Yay aylarında təbii sərinləşdirici içki kimi istifadə edilə bilər. Vitaminlərlə zəngindir. B qrup vitaminləri (xüsusən B1 və B6) ilə zəngin olduğu deyilir. Enerji verir.Təbii qazlı və yüngül turş dadı ilə orqanizmi tonusda saxlayır.

Ehtiyatlı olunmalı hallar:

Alkoqol qalıqları az miqdarda olsa da, fermentasiya nəticəsində 0.2–0.5% arası spirt yaranır. Bu səbəbdən hamilə qadınlara, uşaqlara və spirtə qarşı həssaslığı olanlara məsləhət görülmür.Qastrit və mədə problemi olanlara, turşuluğu yüksək olan insanda kvas mədə turşusu balansını poza bilər.

İslam dini baxımından içində hər hansı alkoqol izləri olan içkilərdən çəkinmək tövsiyə edilir. Digər fikirlərə görə isə sərxoşluq vermədiyi və təbii olduğu üçün istifadəsi caiz sayıla bilər. Burada şəxsi və dini baxış əsas götürülür.

Kvas necə hazırlanır? (Evdə hazırlanma resepti)

Əgər süni qatqılarla dolu market kvasslarından içmək istəmirsinizsə evdə öz təbii kvassını hazırlaya bilərsən. Bunun üçün sadə və əlçatan məhsullar lazımdır.Ənənəvi çörək kvassı (təbii fermentasiya ilə)

Lazım olanlar:

Qara çörək – 300 qram

Su – 3 litr

Şəkər tozu – 5-6 xörək qaşığı

Quru maya – 1 çay qaşığı

İstəyə görə: nanə, kişmiş və ya limon qabığı (aroma üçün)

Hazırlanması:

Qara çörəyi doğrayıb sobada və ya tavada yüngülcə qurut. Yandırmadan qızart. Qaynadılmış və ilıq hala salınmış 3 litr suya qızardılmış çörəkləri əlavə edilir. Üzərinə şəkər tozu və mayanı əlavə edib yaxşıca qarışdır.Qarışımı şüşə və ya plastik qaba tök və ağzını tənziflə ört. İsti, qaranlıq bir yerdə 2 gün saxla.2 gündən sonra süzgəcdən keçirərək kvası ayrı butulkalara tök. İstəsən bu mərhələdə kişmiş və ya bir dilim limon da əlavə edə bilərsən.Soyuducuda saxla. 1-2 günə tam hazır olur. Və təbii qazlı, az turşulu, sərinləşdirici bir içki əldə etmiş olacaqsan. Dəqiq deyə bilərik ki, kvas, düzgün hazırlandıqda və ölçülü içildikdə, həm dadlı, həm də faydalı bir içki ola bilər. Ancaq onun tərkibindəki az miqdarda alkoqol, bəzi insanlar üçün məhdudlaşdırıcı faktor ola bilər. Əgər dini və tibbi baxımdan əmin deyilsənsə, evdə alkoqolsuz alternativlərə üstünlük verməyin daha məqsədəuyğundur. Lakin təbii üsulla, ev şəraitində hazırlanan kvas, sənin öz sağlamlıq və həyat tərzinə uyğunlaşdırıla bilər.

Süheylə Məhərrəmova

Yenifikir.media

📧 info@yenifikir.media
📞 +994 55 977 79 81 (WhatsApp)