XEBERVER.AZ

ABŞ prezidenti Donald Tramp Ağ Evdə Polşa prezidenti Karol Navrotski ilə görüşdən sonra Rusiya və Ukrayna ilə bağlı yeni açıqlamalar verib. O, həmçinin Çində keçirilən və Si Cinpinlə yanaşı Vladimir Putin və Kim Çen Inın iştirak etdiyi hərbi paradı da şərh edib. Tramp yaxın günlərdə Rusiya prezidenti ilə telefon danışığı aparacağını bildirib.

Onun sözlərinə görə, parad “təsirli” olub, lakin Çin bu tədbiri siyasi məqsədlə təşkil edib: “Onlar ümid edirdilər ki, mən izləyirəm – və mən izlədim”, – deyə Tramp bildirib.

ABŞ lideri vurğulayıb ki, Putin artıq onun mövqeyini bilir: “Qərarı vermək Rusiya prezidentinə qalır. Əgər bu qərar məni qane etməsə, nəticələri olacaq”. O, detalları açıqlamayıb, lakin ehtiyat planlarının olduğunu deyib və qərar üçün bir-iki həftəlik vaxt verdiyini bildirib.

Tramp yaxın günlərdə Putinlə danışacağını, sabah isə Ukrayna prezidenti Vladimir Zelenski və Avropa liderləri ilə onlayn görüş keçirəcəyini açıqlayıb. ABŞ prezidenti tədbirə şəxsən qatılmaqdan imtina edib.

Mütəxəssislərin fikrincə, Trampın seçim imkanları məhduddur: Rusiya ilə müttəfiqlərə qarşı tətbiq etdiyi tarif siyasəti uğursuz olub, Rusiya ordusu cəbhədə irəliləyir, ABŞ isə Ukraynaya təhlükəsizlik zəmanəti vermək istəmir. Avropa isə Vaşinqtonsuz bütün riskləri üzərinə götürməyə hazır deyil.

Yenifikir.media

📧 info@yenifikir.media
📞 +994 55 977 79 81 (WhatsApp)