XEBERVER.AZ

Azərbaycan şəhidinin adı, xatirəsi, ruhu bizim üçün ən müqəddəs dəyərdir. Onlar canlarını fəda edərək bu Vətənə azadlıq, xalqımıza qürur bəxş etdilər. Şəhidlər sabahımızın işığı, müstəqilliyimizin bayrağıdır!

Bu torpaqda heç kim – istər yadelli, istərsə də qonaq – şəhidlərin müqəddəsliyinə dil uzada bilməz!

Təəssüf ki, dünən bir qrup ərəb turist Bakıda Şəhidlər Xiyabanında hörmətsizlik edərək video çəkib yayımladı. Bu nalayiq hərəkət Azərbaycan cəmiyyətində böyük narazılıq doğurdu.

Lakin dövlətimizin gücü və polisin müdrikliyi burada öz sözünü dedi. Azərbaycan polisi dərhal hərəkətə keçdi, həmin şəxsləri polis bölməsinə dəvət etdi. Onlara izah olundu ki, şəhidlər bizim milli qürurumuz, müqəddəs dəyərlərimizin ən ali simvoludur. Bu davranış bir daha göstərdi ki, Azərbaycan polisi yalnız qanunu icra etmir, həm də xalqımızın ləyaqətini, şəhidlərimizin ruhunu qoruyur.

Azərbaycan polisi — dövlətimizin qeyrətinin, millətimizin şərəfinin, şəhidlərimizin əbədi yaddaşının keşiyindədir!

Biz hər zaman şəhidlərimizin ruhu qarşısında baş əyirik. Onların adı uca, xatirəsi əbədi, ruhu müqəddəsdir!

Samirə Adəmqızı

Yenifikir.media

📧 info@yenifikir.media
📞 +994 55 977 79 81 (WhatsApp)