Türkiyənin müdafiə sənayesi son 25 ildə ixracını kəskin artıraraq qlobal gücə çevrilib. 2000-ci ildə 200 milyon dollar olan müdafiə və aviasiya ixracı 2025-ci ildə 10,5 milyard dollara yüksəlib.
Yunanıstan mediası Bayraktar TB2, ASELSAN texnologiyaları və HÜRJET təyyarələrini Türkiyə müdafiə sənayesinin beynəlxalq uğurunun əsas simvolları kimi göstərib.
SIPRI-nin məlumatına görə, Türkiyə 2021–2025-ci illərdə dünyanın 11-ci ən böyük silah ixracatçısı olub. Türkiyə şirkətləri artıq 30-dan çox ölkəyə məhsul ixrac edir.
Məqalədə Türkiyənin NATO və Avropa ölkələri ilə müdafiə sahəsində əməkdaşlığının genişləndiyi, “Çelik Kubbe” kimi layihələrlə ölkənin istehsal imkanlarını daha da artırdığı qeyd olunub.
© Yenifikir.media
Arzu, təklif və şikayətlərinizi bizə bildirin