ABŞ-ın vitse-prezidenti Cey Di Vens İranla müharibədə Vaşinqtonun əsas məqsədinin amerikalılar üçün neft və qazın ucuz qalmasını təmin etmək olduğunu bildirib. O, bu barədə “Fox News” telekanalının efirində danışıb.
“Bir nömrəli məqsədimiz ölkə üzrə amerikalılar üçün neft və qazı ucuz saxlamaqdır”, – Vens deyib.
Onun sözlərinə görə, ikinci məqsəd İranın heç vaxt nüvə silahına sahib olmayacağına dair təminat əldə etməkdir.
Vens həmçinin bildirib ki, son günlər İranla aparılan danışıqlarda müəyyən irəliləyiş əldə olunub. Onun sözlərinə görə, Tehran da münaqişənin başa çatmasında maraqlıdır, lakin danışıqların nəticəsi İran tərəfinin Vaşinqton üçün məqbul şərtlərlə razılaşa bilməsindən asılı olacaq.
Daha əvvəl ABŞ Prezidenti Donald Tramp İranla bağlı yeni açıqlamasında bildirib ki, Vaşinqton Tehranla yalnız qismən danışıqlar aparır və vəziyyəti izləyir. Tramp İranın yüksək inflyasiya ilə üzləşdiyini və pulunun olmadığını qeyd edib.
© Yenifikir.media
Arzu, təklif və şikayətlərinizi bizə bildirin