“Basketball Without Borders Next Up 2026” tədbiri 26-29 avqust tarixlərində İstanbulda keçiriləcək.Bu il 25 illiyini qeyd edən NBA və FIBA-nın qlobal istedad inkişafı və icma proqramı olan Basketball Without Borders (BWB) yeni formatda təşkil olunan düşərgədə dünyanın müxtəlif ölkələrindən 80 istedadlı gənc basketbolçunu bir araya gətirəcək.
İstanbulda yerləşən Turkcell Basketbol Gelişim Merkezində keçiriləcək düşərgədə iştirakçılar NBA əfsanələri, məşqçiləri və hazırkı basketbolçular tərəfindən təlimlər alacaqlar.
BWB düşərgələrinin NBA üçün əhəmiyyəti əvvəlki illərdə yetişdirdiyi ulduzlarla da özünü göstərir. NBA-in ötən mövsümünün açılış gecəsi heyətlərində rekord sayda 135 beynəlxalq basketbolçu yer alıb. Onlardan 50-si daha əvvəl BWB düşərgələrində iştirak edib.
BWB proqramından keçən basketbolçular arasında NBA-də MVP seçilmiş Joel Embiid və Shai Gilgeous-Alexander, həmçinin All-Star oyununda iştirak etmiş Jamal Murray və Pascal Siakam kimi ulduzlar da var.
© Yenifikir.media
Arzu, təklif və şikayətlərinizi bizə bildirin