Türkiyənin Meşə Təsərrüfatı Baş İdarəsi (OGM) 2026-cı ilin ilk 6 ayında meşələrin və təbiətin qorunması, eləcə də meşə ehtiyatlarının davamlı idarə olunması üçün 16 milyard 497 milyon lirə xərcləyib.
Xərclərin 10,46 milyard lirəsi meşələrin və təbii ehtiyatların qorunmasına, 4,8 milyard lirəsi meşələrin inkişafı və genişləndirilməsinə, 1,24 milyard lirəsi isə meşələrin idarə olunmasına yönəldilib.
Bundan əlavə, torpaq və su ehtiyatlarının idarə olunmasına 2,7 milyard lirə, meşə kəndlərinin inkişafı və dəstəklənməsinə isə 3,84 milyard lirə ayrılıb.
OGM-nin digər proqramları da nəzərə alındıqda, ilin ilk 6 ayında ümumi xərclər 24,3 milyard lirəyə çatıb.
İlin ikinci yarısında isə investisiya layihələri çərçivəsində təxminən 10,2 milyard lirə xərclənməsi gözlənilir. Vəsaitin bir hissəsi iqlimə davamlı meşələrin yaradılması, helikopter və təyyarələrin alınması, meşə yanğınları ilə mübarizə, eroziyanın qarşısının alınması və meşə sahələrinin genişləndirilməsinə sərf olunacaq.
© Yenifikir.media
Arzu, təklif və şikayətlərinizi bizə bildirin