Sənə gəldim Rəbbim…

Keçdim dolanbacları, düzümə gəldim.

Sənə gəldim, Rəbbim—-özümə gəldim .

Axdı sccadəmə gözümün yaşı ,

Arındım, bəsirət gözümə gəldim.

Sənə gəldim, Rəbbim—-özümə gəldim .

Kiçildim, iynənin gözünden keçdim,

Dilimdə həbs olan sözümdən keçdim,

Esqində yox oldum,özümdən keçdim.

Andıma,əhdimə,sözümə gəldim,

Sənə gəldim, Rəbbim—- özumə gəldim.

Könül ayna tutdu həqiqətlərə,

Ruhum təkamüldə çıxdı səfərə .

Yandim alovunda,döndüm küllərə;

Yenidən oduma,közümə gəldim,

Sənə gəldim, Rəbbim—- özumə gəldim .

Səsin səssiz olan zikri,ya Kəbir!

Qanımda,nəbzimdə döyünür təkbir.

Adəmlə aləmin vəhdətində sirr…

Nurundan təccəlla izimə gəldim;

Sənə gəldim, Rəbbim,özumə gəldim .

Tənha Buludunam səmalarında,

Yağişın səsidir dualarim da.

Süzülüb mələyin qanadlarinda,

Çıxıb astarimdan üzümə gəldim,

Sənə gəldim, Rəbbim — özümə gəldim. 

Tamara Nadirova (Tənha Bulud)