Rusiya Prezidenti Vladimir Putin İndoneziyanın Prezidenti Prabovo Subiantonu ölkənin Müstəqillik Günü münasibətilə təbrik edib. Təbrik teleqramı avqustun 17-də Kremlin saytında dərc olunub.
Putin İndoneziyanın iqtisadi və sosial sahələrdə əldə etdiyi uğurları, eləcə də beynəlxalq arenadakı nüfuzunu vurğulayıb. Rusiya lideri Moskva ilə Cakarta arasında münasibətlərin uğurla inkişaf etdiyini bildirib və tərəfdaşlığın möhkəmləndirilməsi istiqamətində birgə işlərin davam etdiriləcəyini qeyd edib.
Aprel ayında Putin Rusiya-İndoneziya əməkdaşlığında energetika və kosmos sahələrini perspektivli istiqamətlər kimi göstərmişdi. O, həmçinin ikitərəfli ticarətdə sabitliyin qorunması üçün həll yollarının tapılacağına ümid etdiyini bildirmişdi. Subianto isə İndoneziya üçün mühüm məsələlərdə göstərdiyi şəxsi dəstəyə görə Putinə təşəkkür etmişdi.
© Yenifikir.media
Arzu, təklif və şikayətlərinizi bizə bildirin