Müdafiə naziri Kats hökumətin iclasında İsrail ordusunun cihadçı qruplaşmaların İsrail məskunlarına və hərbçilərinə ehtimal olunan hücumlarının əsas ssenarilərinə hazırlığını müzakirə edib.
«İsrail ordusu üçün İordan çayının qərb sahili ilə bağlı müəyyən edilmiş əsas ssenariyə əsasən, Qəzzada 7 oktyabr hadisələrindən çıxarılan dərs kimi, cihadçı ünsürlərin məskunlara və əsgərlərə hücum etmək ehtimalına hazırlaşmaq lazımdır», — deyə müdafiə naziri bildirib.
Kats həmçinin bildirib ki, İsrail ordusu Fələstin Muxtariyyətinin strukturları, bunlarla əlaqəli birləşmələr, məskunlar və İsrail hərbçiləri arasında qüvvələr nisbətinin dəyişə biləcəyi daha genişmiqyaslı ssenariyə hazırlaşır. Onun sözlərinə görə, ayırıcı xətt boyunca yerləşən yaşayış məntəqələrində vəziyyətin gərginləşməsi ehtimalı da nəzərdən keçirilir.
«Belə olan halda Muxtariyyətə qarşı müharibə elan ediləcək və İsrail ordusu müəyyən edilmiş plana uyğun olaraq hərtərəfli hücuma başlayacaq», — deyə Kats bəyan edib.
© Yenifikir.media
Arzu, təklif və şikayətlərinizi bizə bildirin