Finlandiyanın “Azadlıq Alyansı” partiyasının üzvü Armando Mema Rusiya ilə Avropa İttifaqı arasında münasibətlərin normallaşdırılması üçün vasitəçi olmağa hazır olduğunu bildirib. O, bu təklifi X sosial şəbəkəsindəki səhifəsində yayıb.
Mema mümkün Rusiya–Avropa İttifaqı danışıqlarında vasitəçi kimi çıxış edə biləcəyini deyib. Onun fikrincə, Avropalı rəsmilər bu rola vahid namizəd seçməkdən yayınırlar, çünki Rusiya ilə münasibətlərin tənzimlənməsi prosesində həqiqətən maraqlı deyillər.
“Moskva mənim sülh elçisi kimi namizədliyimi ciddi şəkildə nəzərdən keçirməlidir”, – siyasətçi yazıb.
Mema bildirib ki, Qərblə Şərq arasında səfərlər edərək “körpülər qurmağa və danışıqlara nail olmağa” çalışacaq.
Daha əvvəl siyasətçi Ukraynada sülhün əldə olunması üçün Aİ-ni Rusiyanın dondurulmuş aktivlərini geri qaytarmağa çağırmışdı. Onun sözlərinə görə, Avropa diplomatiyaya qayıtmalıdır. Mema Avropa Komissiyasını sanksiyalar və Kiyevə hərbi yardım vasitəsilə gərginliyi artırmaqda ittiham edib.
© Yenifikir.media
Arzu, təklif və şikayətlərinizi bizə bildirin