Qəzəbli şir – Uinston Çörçil

Tarixə düşən bu kadr 30 dekabr 1941-ci ildə çəkilib. “Sizin iki dəqiqəniz və bir kadrınız var”, – Çörçill fotoqrafa dedi. Bir neçə saniyə sonra Böyük Britaniyanın baş nazirinin ən məşhur və geniş yayılmış portretlərindən biri çəkildi.ci ilin sonunda Uinston Çörçill rəsmi səfərlə Ottavaya gəldi. 30 dekabrda o, Kanada parlamentində nitq söyləməliydi. Ölkənin hökuməti 33 yaşlı fotoqraf Yusif Karşudan hörmətli qonağın portretini çəkdirməyi xahiş etdi. İşin qiyməti sadəcə 100 dollar idi. Lakin, Karşın bu səbəbdən narahat olacağı düşünülmür, çünki bu foto onu həqiqi ulduz etdi, portret fotosunun ustası kimi tanınan bir şəxsə çevirdi.

Çörçillin qəzəbli görüntüsü “Life” jurnalının üz qabığında yer aldı və o zamandan bəri Çörçillin ən tanınmış portretlərindən biri oldu. 2016-cı ildə Böyük Britaniyada bu foto yeni beş funt sterlinq banknotlarının arxasında da yerləşdirildi.

Bəs Yusif Karş necə oldu ki, Çörçilli kamerada bu qədər təbii şəkildə qəzəbləndirə bildi?

Yusif, Kanada parlamentinin bir kabinetində öz qəhrəmanını gözləyirdi və onu nitqindən dərhal sonra fotoşəkil çəkməliydi, amma Çörçill çəkilişi tamamilə unutmuşdu. Baş nazir kabinetə yorğun və poz verməyə hazır olmadan daxil oldu.

Çörçilə bildirildikdə ki, vaxt dəyişdirmək mümkün deyil və poz verməli olacaq, o, kresloda oturub siqara yandırdı, fotoqrafa “İki dəqiqəniz var və yalnız bir kadr çəkə bilərsiniz” dedi.

Karş çaşqınlıq içində idi. Bu, katastrofa idi: siqaranın tüstüsü baş nazirin üzünü örtürdü, üstəlik, qonaq açıq şəkildə əhval-ruhiyyəsi pis idi. Onda fotoqraf risk edərək Çörçillin yanına atıldı və siqaranı onun ağzından çıxarıb, sürətlə kameraya qayıtdı və faktiki olaraq obyektivi görmədən “şəkil çəkdi”.

Təbii ki, Çörçill qəzəbli olduğu qədər çaşqın da idi. Bu, fotoşəkildə aydın şəkildə əks olundu – o andan etibarən onilliklər boyu üzümüzə Böyük Britaniyanın Dahi baş naziri baxır. Onu heç kim əvvəlcə və ya sonradan bu cür təsvir edə bilmədi. Bu an, Çörçillin liderlik gücünü və xarizmasını simvolizə edən unikal bir görüntü oldu.

Deyirlər ki, Çörçillin bu cür cəsarətinə cavab olaraq, o, Karşı təəccübləndirərək, bir anda gülümsəyib, fotoqrafa bir daha şəkil çəkməyə icazə verdi, bu dəfə baş nazir tam mülayim görünürdü.

Bu foto, ilk şəkillə yan-yana olduqda xüsusilə kontrastlı görünür. “Siz hətta qəzəbli şiri də yaxşı bir kadr üçün sakit oturmağa məcbur edərsiniz”, – deyə Çörçill Karşa vidalaşarkən söylədi.

İlkin Hüseynov

Yenifikir.media