ABŞ və Cənubi Koreya gələn həftə Şimali Koreyanın artan hərbi imkanlarına qarşı hazırlığı yoxlamaq məqsədilə illik “Ulchi Freedom Shield” təlimlərinə başlayacaq.Associated Press yazır ki, builki manevrlərdə Şimali Koreya hərbçilərinin Ukrayna ilə müharibədə əldə etdiyi döyüş təcrübəsi də nəzərə alınacaq. ABŞ tərəfi təlimlərin “real təhdidlər” və son münaqişələrdən çıxarılan nəticələr əsasında hazırlanacağını bildirib.
11 gün davam edəcək təlimlərdə təxminən 18 min Cənubi Koreya hərbçisi iştirak edəcək.
AP-nin məlumatına görə, 2025-ci ilin payızında Şimali Koreyanın 528-ci mühəndis-sapyor alayının hərbçiləri Rusiyanın Kursk vilayətində Ukrayna qüvvələrinə qarşı döyüşlərdə və ərazinin minalardan təmizlənməsində iştirak edib.
© Yenifikir.media
Arzu, təklif və şikayətlərinizi bizə bildirin