Yunanıstanda Qərbi Nil qızdırması səbəbilə iki nəfər ölüb. Yunanıstan Milli İctimai Səhiyyə Təşkilatının (EODY) məlumatına görə, vəfat edənlərin yaşı böyük olub və xroniki xəstəlikləri varmış. Onlarda xəstəliyin ağır fəsadı – meninqoensefalit inkişaf edib.
1 yanvar – 20 avqust tarixləri arasında ölkədə 47 yoluxma təsdiqlənib. Yoluxmaların çoxu Tesaliya, Attika, Mərkəzi Makedoniya və Trakiya bölgələrində qeydə alınıb.
Mütəxəssislər bildirirlər ki, Qərbi Nil qızdırması yoluxmalarının təxminən 80 faizində əlamətlər görünmür, lakin yaşlı və yanaşı xəstəlikləri olan şəxslərdə xəstəlik ağır keçir.
Yenifikir.media
Reaksiyalar:
© Yenifikir.media
Arzu, təklif və şikayətlərinizi bizə bildirin