ABŞ prezidenti Donald Tramp Avropa liderləri ilə onlayn görüşdə bildirib ki, Vaşinqton Ukraynaya NATO-dan kənar təhlükəsizlik zəmanətləri verə bilər, lakin yalnız atəşkəsdən sonra. Bu mövqe, 15 avqustda Alyaskada Vladimir Putinlə keçiriləcək sammit ərəfəsində açıqlanıb.Politico-nun məlumatına görə, zəmanətlər “çəkindirici vasitələr” formasında ola bilər, amma Tramp detalları açıqlamayıb. O, ABŞ-ın Kiyevə birbaşa silah verməyəcəyini, Avropanın isə tədarükü NATO vasitəsilə maliyyələşdirəcəyini deyib.
Avropa liderləri təşəbbüsü dəstəkləsələr də, Ukraynanın danışıqlara birbaşa qatılmasını və hər hansı ərazi güzəştlərinin yolverilməzliyini vurğulayıblar. Fransa prezidenti Emmanuel Makron da yalnız Ukraynanın öz ərazisi barədə qərar verə biləcəyini bildirib.
Tramp daha əvvəl Ukrayna-Rusiya arasında ərazi mübadiləsini müzakirə etməyə hazır olduğunu deyib, lakin Kiyev bunu rədd edir. NATO baş katibi Mark Rütte sammiti “sülh testi” adlandırıb və alyansın Şərqi Avropada mövcudluğunu davam etdirəcəyini vurğulayıb.
Görüş öncəsi tərəflər “qırmızı xətlər” müəyyənləşdiriblər: atəşkəsdən əvvəl güzəşt olmayacaq, Ukrayna danışıqlarda iştirak edəcək, sərhədlər zorla dəyişdirilməyəcək, zəmanətlər NATO-dan kənar, lakin ABŞ və Avropanın iştirakı ilə veriləcək.
Yenifikir.media
© Yenifikir.media
Arzu, təklif və şikayətlərinizi bizə bildirin