Cenevrədə keçirilən danışıqlarda Ukrayna ABŞ-ın sülh planındakı Kiyev üçün çətin olan bir çox bəndi dəyişdirə bilib. “RBK-Ukrayna”ya görə, tərəflər planın əksər hissəsində razılaşıb, mübahisəli maddələr isə yenidən işlənib.
Ordunun say tərkibi, Zaporojye AES-ə nəzarət, əsir mübadiləsi və məhkumların geri qaytarılması mövzularında razılıq əldə olunub. Ən həssas məsələləri Zelenski ilə Trampın mümkün görüşdə müzakirə edəcəyi gözlənilir.
Reuters yazır ki, Zelenski yaxın günlərdə ABŞ-a səfəri zamanı əsasən ərazi məsələsini müzakirə etməyi planlaşdırır. Səfərin tarixi hələ müəyyənləşməyib.
Bundan əvvəl Avropa siyasətçiləri Trampın sülh planına cavab olaraq ona məktub göndərmişdi.
Reaksiyalar:
© Yenifikir.media
Arzu, təklif və şikayətlərinizi bizə bildirin