Kremlin sözçüsü Dmitriy Peskov bildirib ki, Rusiya Prezidenti Vladimir Putinlə ABŞ Prezidenti Donald Tramp arasında görüşün zəruri hazırlıqlar tamamlandıqdan sonra yaxın vaxtlarda keçirilməsi gözlənilir.
Moskvada jurnalistlərin suallarını cavablandıran Peskov, Almaniyanın müdafiə naziri Boris Pistoriusun “Rusiya və NATO arasında müharibə baş verə bilər” sualına da münasibət bildirib. O vurğulayıb ki, Avropada militarist ritorika getdikcə artır:
“Rusiyada NATO ilə qarşıdurmanı istəyən yoxdur. Lakin biz öz legitim maraqlarımızı təmin etmək üçün lazım olan bütün tədbirləri görməyə məcburuq.”
Peskov həmçinin Ukrayna ilə əsir mübadiləsi ilə bağlı mütəxəssis səviyyəsində danışıqların davam etdiyini açıqlayıb.
© Yenifikir.media
Arzu, təklif və şikayətlərinizi bizə bildirin