Kənd Təsərrüfatı Nazirliyinin vəzifəli şəxsləri Quba və ətraf rayonlarda vətəndaş qəbulları keçirib. Aqrar Kredit və İnkişaf Agentliyinin sədri Yalçın Camalov Quba Dövlət Aqrar İnkişaf Mərkəzində vətəndaşların ərizə və şikayətlərini dinləyib, subsidiyalar, kənd təsərrüfatı kreditləri, lizinq yolu ilə texnika alışı və digər məsələlərə baxıb.
Qəbul zamanı bir qismi müraciətlər yerindəcə həll olunub, digər məsələlər isə araşdırılması üçün nəzarətə götürülüb. AKİA sədri dövlət başçısının imzaladığı sərəncamların kənd təsərrüfatının inkişafına və fermerlərin rifah halının yaxşılaşmasına təkan verdiyini vurğulayıb.
Fermerlərə yeni subsidiya mexanizmləri, aqrar kredit və mikrokreditlər, eləcə də texnika və avadanlıqlara dövlət güzəştləri barədə geniş məlumat verilib. Qəbuldan sonra Yalçın Camalov Pirvahid və Küçeyi kəndlərində fermer təsərrüfatlarını ziyarət edib, dövlət dəstəyi mexanizmləri ilə bağlı fikir mübadiləsi aparıb.
© Yenifikir.media
Arzu, təklif və şikayətlərinizi bizə bildirin