“Putinin sülhlə marağı yoxdur"- KALLAS

Avropa İttifaqının Ali Nümayəndəsi Kaja Kallas Avropa Parlamentində bildirib ki, Moskva yalnız təzyiq altında geri çəkiləcək: “Putinin sülhlə marağı yoxdur.”

Onun sözlərinə görə, 2022-dən bəri Ukraynaya 169 milyard avro dəstək göstərilib, bunun 63 milyardı hərbi yardımdır. Bu il 25 milyard avro ayrılıb, sursat hədəfi isə oktyabrda tamamlanacaq. Aİ həmçinin dondurulmuş Rusiya aktivlərini Ukrayna müdafiəsinə yönəldib, 18 sanksiya paketi qəbul olunub, 19-cu hazırlıq mərhələsindədir.

Kallas qeyd edib ki, Rusiya 450 milyard dollardan, o cümlədən 154 milyard dollar neft gəlirindən məhrum olub. O, Ukraynaya təhlükəsizlik zəmanətinin Qərbin ortaq mövqeyi olduğunu vurğulayıb və əlavə edib: “Ukraynanın təhlükəsizliyi Avropanın təhlükəsizliyidir.”