Rusiya Prezidenti Vladimir Putinin son çıxışı onun sağlamlığı barədə yenidən müzakirələrə səbəb olub. Kremldə keçirilən mətbuat konfransında Putinin sağ əlində şişkinlik və damarların qabarması görünüb. Prezidentin tez-tez sağ əlini sol əli ilə gizlətməsi “iynə izlərini ört-basdır edir” iddialarını artırıb.
Qərb kəşfiyyat mənbələri bildirir ki, Putin uzun müddətdir xərçəng və ya parkinson kimi xəstəliklərlə mübarizə aparır. Keçmiş britaniyalı casus Kristofer Stil deyib: “Putin daim həkim nəzarətindədir və vəziyyəti pisləşir.”
Ukraynalı siyasətçi Anton Geraşçenko da “Putinin əlləri şişib, damarları aydın görünür” deyə bildirib.
Yenifikir.media xarici mətbuata istinadən yazır ki, bu iddialar yeni deyil. Daha əvvəl də Putinin əl titrəməsi və dərisindəki ləkələr “Parkinson” xəstəliyi barədə söz-söhbətlərə səbəb olmuşdu. Kreml isə hələ də rəsmi açıqlama verməyib.
© Yenifikir.media
Arzu, təklif və şikayətlərinizi bizə bildirin