Fransa Prezidenti Emmanuel Makron, Brüsseldəki Aİ Zirvəsindən sonra Qəzza və Ukrayna barədə açıqlama verib.
O, Qəzzədə atəşkəsin qorunması və humanitar yardımın artırılmasının vacibliyini bildirib. Makron bölgə üçün yeni idarəetmə modeli, Fələstin Administrasiyasının iştirakı və BMT nəzarətində Beynəlxalq Sabitlik Qüvvəsi yaradılmasını təklif edib.
Prezident Aİ-nin bu prosesdə fəal rol oynaya biləcəyini, xüsusilə təhlükəsizlik və təlim sahəsində iştirak edə biləcəyini qeyd edib.
Ukrayna ilə bağlı Makron, sülh danışıqlarının yalnız Kiyevin iştirakı ilə aparıla biləcəyini vurğulayıb və Rusiyaya qarşı sanksiyaların davamını dəstəkləyib.
Makron, ABŞ Prezidenti Trampın son açıqlamalarını da “doğru istiqamətdə addım” adlandırıb.
© Yenifikir.media
Arzu, təklif və şikayətlərinizi bizə bildirin