“Mən Kralam” – Tramp

ABŞ Prezidenti Donald Tramp mətbuata açıqlamasında ölkəsinin hərbi gücünə toxunub.
Trampın sözlərinə görə, ABŞ hazırda dünyanın ən güclü ordusuna malikdir. O bildirib ki, silah istehsalı əvvəlki illərlə müqayisədə daha sürətli həyata keçiriləcək. Prezident çıxışı zamanı “mən kralam” ifadəsini də səsləndirib.Açıqlamada Venesuela mövzusuna da toxunan Tramp, Prezident Nikolas Maduronu milyonlarla insanın ölümündə günahlandırıb. O, bəzi radikal sol qrupların pulla etiraz aksiyaları təşkil etdiyini iddia edib.ABŞ Prezidenti həmçinin qeyd edib ki, onun prezidentliyi dövründə “Boeing” təyyarələrinin satışı rekord həddə çatıb.

Tramp F-35 qırıcılarının istehsalının uzun zaman apardığını, Hindistanın isə 68 ədəd “Apache” helikopteri sifariş verdiyini də açıqlayıb.