Rusiya Prezidenti Vladimir Putin ABŞ Prezidenti Donald Trampı ölkəsinin milli maraqlarını müdafiə etmək əzmində olduğuna görə hörmətlə yanaşır. Yenifikir.media xəbər verir ki, bu barədə Rusiya xarici işlər naziri Sergey Lavrov NBC telekanalına müsahibəsində bildirib.
Nazirin sözlərinə görə, Tramp da Putinə eyni münasibət bəsləyir, çünki Rusiya lideri də öz ölkəsinin maraqlarını qoruyur – zəngin tarix və ənənələrə sahib xalq olaraq mövcudluq hüququnu müdafiə edir, həmçinin rus dilinin dəyərlərini paylaşan vətəndaşlara dəstək göstərir.
Daha əvvəl Vladimir Putin qeyd etmişdi ki, Trampın liderlik keyfiyyətləri Moskva ilə Vaşinqton arasında münasibətlərin normallaşması üçün əlverişli zəmin yaradır. Onun fikrincə, əlaqələr hazırda ən aşağı səviyyədədir, amma Trampın hakimiyyətə gəlişi ilə “tunelin sonunda işıq görünməyə başlayıb”.
Yenifikir.media
© Yenifikir.media
Arzu, təklif və şikayətlərinizi bizə bildirin