Kremlin sözçüsü Dmitri Peskov bildirib ki, Rusiya ABŞ prezidenti Donald Trampın bəyanatlarını diqqətlə izləyir. Jurnalistlərin yeni sanksiyalara hazırlıqla bağlı sualını cavablandıran Peskov qeyd edib ki, Rusiya uzun müddətdir sanksiyalar altında yaşayır və buna baxmayaraq iqtisadi fəaliyyətini davam etdirir:
“İqtisadiyyatımız çoxsaylı məhdudiyyətlərə baxmayaraq dirçəliş üstədir.. Bu baxımdan müəyyən immunitet formalaşıb və biz prezident Trampın bütün bəyanatlarını izləyirik”, – deyə Peskov vurğulayıb.
Bundan öncə Federasiya Şurasının sədri Valentina Matviyenko Trampın ultimatumlarını effektiv hesab etmədiyini bildirib. Onun sözlərinə görə, ultimatumlar Kiyevə ünvanlanmalıdır, çünki sülh danışıqlarını məhz Ukrayna tərəfi pozur.
Xatırladaq ki, Tramp 14 iyulda Rusiyaya 50 gün ərzində münaqişəni dayandırmaqla bağlı ultimatum vermişdi. 28 iyulda isə ABŞ lideri bu müddəti 10–12 günə endirdiyini açıqlayaraq, danışıqlarda irəliləyiş olmadığını qeyd etmişdi.
Yenifikir.media
© Yenifikir.media
Arzu, təklif və şikayətlərinizi bizə bildirin