Xarici İşlər Naziri Hakan Fidan, İraq Xarici İşlər Naziri Fuad Hüseyn ilə Ankarada görüşüb. Görüşdən sonra keçirilən mətbuat konfransında Fidan Qəzzadəki atəşkəs və aktivistlərin təxliyəsi barədə danışıb.
Nazir bildirib ki, Qəzzadə sülh planının birinci mərhələsi tamamlanıb və İsraildən provokasiya olmaması vacibdir. Bu mərhələdə humanitar yardımlar başlayacaq, yerindən edilmiş şəxslər geri dönəcək və İsrail qüvvələri razılaşdırılmış məkanlara çəkiləcək.
Fidan həmçinin deyib ki, Türkiyə həm sahədə texniki dəstək verir, həm də beynəlxalq səyləri yönəldir. Aktivistlərin təxliyəsi uğurla başa çatıb və heç kim geridə qalmayıb. Təxliyədə iştirak edən Türk Hava Yollarına da təşəkkür edilib.
© Yenifikir.media
Arzu, təklif və şikayətlərinizi bizə bildirin