Ərdoğan Zelenski ilə nəyi müzakirə etdi ?

Türkiyə Prezidenti Rəcəb Tayyib Ərdoğan Ukrayna Prezidenti Volodimir Zelenski ilə telefon danışığı aparıb. 

Ərdoğan telefon danışığında Türkiyə-Ukrayna ikitərəfli münasibətləri, Ukrayna-Rusiya arasındakı sülh prosesi, həmçinin regional və qlobal mövzuları müzakirə edib. Prezident görüşdə bildirib ki, Alaska və Vaşinqtondakı təmasları yaxından izləyir, müharibənin davamlı sülh ilə nəticələnməsi üçün Türkiyə səylərini davam etdirir və sülhün bərqərar olması ilə Türkiyə Ukraynanın təhlükəsizliyinə dəstəyini artırmağa davam edəcək.

Ərdoğan həmçinin Ukrayna-Rusiya münaqişəsində ədalətli həllin mümkün olduğunu, iki tərəf arasında danışıqları gücləndirərək davam etdirmək zəruriliyini vurğulayıb və Türkiyənin sülhü təmin edəcək yüksək səviyyəli təmasların həyata keçirilməsi üçün hər cür səyləri göstərəcəyini qeyd edib. Görüşdə Prezident Ərdoğan Ukraynanın Müstəqillik Gününü də təbrik edib.

Yenifikir.media