Əfqanıstan–Pakistan danışıqları nəticəsiz qaldı

Əfqanıstanın xarici işlər naziri vəzifəsini icra edən Əmirxan Muttaki bildirib ki, Pakistan nümayəndə heyətinin “məntiqli olmayan” tələbləri danışıqları dalana salıb.Onun sözlərinə görə, Pakistan Əfqanıstandan “öz ərazisində bir daha təhlükəsizlik hadisəsi baş verməyəcəyinə zəmanət” istəyib. Muttaki bu tələbin real olmadığını deyib və ölkəsinin ərazi bütövlüyünü qoruyacağını vurğulayıb.O, həmçinin Pakistanın təzyiq məqsədilə ticarət yollarını bağladığını qeyd edib.

Xatırladaq ki, sərhəd toqquşmalarından sonra Türkiyə və Qətərin vasitəçiliyi ilə atəşkəs elan olunmuşdu. Lakin son görüşlərdən sonra danışıqlar nəticəsiz başa çatıb və dayandırılıb.Tərəflər hələ də sərhəd təhlükəsizliyi və ticarət məsələlərində razılığa gələ bilməyib.