Səninlə yol gəlib neçə nəsillər,
Xoşbəxt xatirəsin saxlayıb illər,
Rəngini ətrindən alıb fəsillər,
Sumqayıt – dost kimi doğma şəhərim!
Günəşli günlərdə təmiz havada,
Sakit küçələrli aydın səmada,
Gəzib addım-addım sənlə piyada,
Sumqayıt – dost kimi doğma şəhərim!
Neçə könüllərdən axan diləklər,
İstəklər əlindən tutan ürəklər,
Səs çəkir sevgisin qatan ürəklər,
Sumqayıt – dost kimi doğma şəhərim!
Ey gənclik haraylı çağlayan, coşan,
Ümidli xəyala sətirlər qoşan,
Eşqiylə cəzb edən, qəlblərdə daşan,
Sumqayıt – dost kimi doğma şəhərim!
Sirrli ürəklərin əziz sirdaşı,
Xəyallı yolların gözəl yoldaşı,
Qədim Bakımızın cavan qardaşı!
Sumqayıt – dost kimi doğma şəhərim!
Görən kimsələrin gülən üzünə,
Sevgisin yaddaşa, salan sözünə,
Camal, milyonları aşiq özünə,
Sumqayıt – dost kimi doğma şəhərim!
Camal Cəfər
30.12.25
© Yenifikir.media
Arzu, təklif və şikayətlərinizi bizə bildirin