Banqladeşdə beynəlxalq cinayətlər tribunalı keçmiş Baş nazir Şeyx Hasinanı insanlıq əleyhinə cinayətlər üzrə ölüm hökmünə məhkum edib. Bu barədə BTV telekanalı məlumat yayıb.
Tribunal Hasinanı insanlıq əleyhinə cinayətlərin beş maddəsi üzrə təqsirli bilərək hökm çıxarıb. Onunla birlikdə sabiq daxili işlər naziri Asaduzzaman Khan Kamal da ölüm hökmü alıb, sabiq polis rəisi Chowdhury Abdullah Al-Mamun isə 5 il müddətinə həbs olunub.
Hasina 2024-cü ilin avqustunda baş verən etirazlar zamanı Hindistana qaçdığı üçün məhkəmə onun iştirakı olmadan keçirilib. Banqladeş qanunlarına görə, o, həbs edilmədikcə və ya 30 gün ərzində polislərə təslim olmadıqca, hökmə etiraz edə bilməz.
2024-cü ilin iyul ayında ölkədə işsizlik və iqtisadi vəziyyətə etiraz edən tələbələr etirazlar edib, 1 400 nəfər həyatını itirib.
© Yenifikir.media
Arzu, təklif və şikayətlərinizi bizə bildirin