Ana Vətən Partiyasının mərkəzi ofisində partiyanın Yasamal, Səbail və Binəqədi rayon təşkilatlarının bir qrup fəalları ilə geniş tərkibli görüş keçirildi.
Görüşdə partiyanın sədri Fəzail Ağamalı, millət vəkili və partiyanın sədr müavini Günay Ağamalı da iştirak edib. Toplantıda partiya üzvləri cari siyasi vəziyyət, rayon təşkilatlarının fəaliyyətinin gücləndirilməsi və gələcək strateji planlar barədə fikir mübadiləsi aparıblar. Həmçinin, yerli ictimaiyyətlə əməkdaşlıq, sosial layihələrin təşkili və gənclərin siyasi aktivliyinin artırılması məsələləri müzakirə olunub.
Partiya rəhbərliyi fəalları maraqlandıran sualları cavablandıraraq, qarşıdakı dövrdə partiyanın fəaliyyətinin daha da genişləndirilməsi və cəmiyyət üçün faydalı təşəbbüslərin həyata keçirilməsi istiqamətində konkret tapşırıqlar verib.
© Yenifikir.media
Arzu, təklif və şikayətlərinizi bizə bildirin