Tramp administrasiyası Çinin nüvə obyektlərinə qarşılıqlı səfərlərin başlamasını müzakirə edib və önümüzdəki aylarda keçiriləcək üzbəüz görüşlərdə bu imkanı əldə etməyə çalışmaqda davam etməyi planlaşdırır. Bu barədə CNN bir sıra mənbələrə istinadən məlumat yayıb.
Qarşılıqlı səfərlər ideyası ilk dəfə bu il ABŞ rəsmiləri ilə görüş zamanı Çin tərəfindən qaldırılıb. Bu, Pekinin daha genişmiqyaslı razılaşmaya yol aça biləcək etimadın möhkəmləndirilməsi tədbirlərinə açıq ola biləcəyini göstərir. Mənbə qeyd edib ki, ABŞ Energetika Nazirliyinin milli laboratoriyalarına və analoji Çin obyektlərinə səfərlər müzakirə olunub və Vaşinqton nüvə sınaq poliqonlarına səfərlər barədə razılaşmaya açıq olar.
Bu qeyri-rəsmi və ilkin müzakirələr ABŞ-ın Çinin sürətlə inkişaf edən nüvə proqramı ilə bağlı artan narahatlığı fonunda, həmçinin keçən il ABŞ və Rusiya arasında silahlara nəzarətə dair sonuncu sazişin müddəti başa çatdıqdan sonra həyata keçirilir.
© Yenifikir.media
Arzu, təklif və şikayətlərinizi bizə bildirin