Samsunspor UEFA Konfrans Liqasının 3-cü turundan sonra liderliyə yüksəlib. Komanda 7 qolla turnirin ən çox qol vuran 5 klubundan biri olub və AEK Larnaka ilə birlikdə qapısından qol buraxmayan iki komandadan biridir. Keçən mövsüm Super Liqanı 3-cü pillədə bitirərək 27 ildən sonra Avropaya qayıdan Samsunspor, ardıcıl üç oyunda qalib gəlib. Komanda “Legia Varşava”nı 1:0, “Dinamo Kiyev”i və “Hamrun Spartans”ı isə 3:0 hesabı ilə məğlub edib.
Samsunspor hazırda turnirdə məğlub olmayan üç komandadan biridir və qrup lideridir. Komanda növbəti mərhələyə birbaşa vəsiqə qazanmaq üçün ilk 8-likdə yer almağı hədəfləyir.
Qırmızı-ağlılar həm Super Liqada, həm də Avropada son 10 oyunda məğlub olmayıb.
© Yenifikir.media
Arzu, təklif və şikayətlərinizi bizə bildirin