Türkiyə Milli Kəşfiyyat Təşkilatının (MİT) rəhbəri İbrahim Kalın Qəzzadə atəşkəs danışıqları aparmaq üçün Misirə səfər edib.
Diplomatik mənbələrə görə, Kalın səfərdən əvvəl ABŞ, Qətər, Misir və HƏMAS nümayəndələri ilə görüşlər keçirib. Görüşlərdə atəşkəs, girov mübadiləsi və humanitar yardım dəhlizlərinin açılması müzakirə olunub.
Qətərin paytaxtı Dohada başlayan dolayı danışıqlar prosesi bu həftə Qahirədə davam edir. Türkiyə prosesdə fəal iştirak edir və tərəflərlə atəşkəs üçün yol xəritəsi üzərində işləyir.
Yenifikir.media xarici mətbuata istinadən xəbər verir ki, Ankara bölgədə sülhün və sabitliyin təmin olunması, eləcə də humanitar yardımların Qəzzayə çatdırılması üçün diplomatik səylərini gücləndirib. Kalının Qahirə səfərinin bu istiqamətdə mühüm addım olduğu bildirilir.
© Yenifikir.media
Arzu, təklif və şikayətlərinizi bizə bildirin