Mingəçevir Dövlət Universiteti (MDU) qiymətləndirmə prosesində tam yeni mərhələyə qədəm qoyub. Universitetdə elektron imtahan sisteminin tətbiqi şəffaf, obyektiv və nəticəyönlü qiymətləndirmə modelinə keçidin real göstəricisi kimi dəyərləndirilir.Son aylarda MDU-da həyata keçirilən islahatlar ali təhsil müəssisəsinin modern idarəetmə platformasına uyğun şəkildə yeniləndiyini göstərir. Yeni rektor Anar Eminovun təşəbbüsü ilə tətbiq edilən elektron imtahan mexanizmi tələbə mərkəzli təhsil modelinin gücləndirilməsinə və qiymətləndirmənin standartlaşdırılmasına mühüm töhfə verir.
Elektron model tələbələrin bilik və bacarıqlarını daha dəqiq ölçür, qiymətləndirmədə insan faktorunun təsirini minimuma endirir və nəticələrin daha qısa zamanda açıqlanmasına imkan yaradır. Bu sistem həm də ali təhsildə vahid standartlara keçidi sürətləndirir və MDU-nun idarəetməsində innovativ yanaşmaların əsas istiqamətə çevrildiyini göstərir.
Yeni sistemin üstünlükləri də diqqət çəkir:
Obyektivlik artır: Qiymətləndirmə tələbənin real bilik göstəricilərinə əsaslanır.
Subyektivlik azalır: İnsan faktorunun təsiri minimuma enir.
Tam şəffaflıq təmin olunur: Bütün proseslər rəqəmsal şəkildə izlənilir və hesabatlılıq artır.
Nümunəvi model: Tətbiq edilən sistem digər ali təhsil müəssisələri üçün də örnək hesab olunur.
MDU-da aparılan bu dəyişikliklər universitetin inkişaf, yenilik və şəffaflıq prinsiplərinə sadiqliyini bir daha ortaya qoyur və ali təhsilin rəqəmsallaşdırılması istiqamətində atılan vacib addımlardan biri kimi qiymətləndirilir.
© Yenifikir.media
Arzu, təklif və şikayətlərinizi bizə bildirin