ABŞ-ın Havay ştatına aid Oahu adasının Pokai körfəzində 16 ildən sonra ilk dəfə 26 qədim petroqlif üzə çıxıb. Min illik tarixə malik fiqurların gelgit nəticəsində qumun altından görünməsi yerli sakinlər tərəfindən təbii fəlakətin əlaməti kimi qiymətləndirilib.
Yerli sakinlər bu hadisəni Kamçatka sahillərində baş vermiş 8.8 bal gücündəki zəlzələ ilə əlaqələndirir. Tədqiqatçı Qlen Kilanın fikrincə, bu fiqurlar əcdadlar tərəfindən qoyulmuş ekoloji xəbərdarlıqlardır.
ABŞ-ın Fövqəladə Hallar Agentliyi (FEMA) Havay sahillərində sunami riski ilə bağlı əhaliyə sahildən uzaq durmaq və ehtiyatlı olmaqla bağlı xəbərdarlıq edib. Arxeoloqlar petroqliflərin 600–1000 il əvvələ aid olduğunu və dini-törensel məna daşıdığını bildirir.
Yenifikir.media
© Yenifikir.media
Arzu, təklif və şikayətlərinizi bizə bildirin